2017 жылдың 13-ші наурызынан бастап кітапхана Дипломшылар күнін өткізуді бастайды. Шараның негізгі мақсаты: дипломдық жұмыстардың тақырыбына қарай кітаптар мен басқа да жарияланымдарды студенттерге таныстыру; дипломды жобалауға көмек ретінде  кітапхананың ақпараттық ресурстарымен таныстыру; ақпаратты іздеуді және дипломдық жұмыстың библиографиялық тізімдері мен сілтемелерді  дұрыс рәсімдеуге көмек көрсету.

   13-ші наурызда химия факультеті кітапханасы мен органикалық химия және полимерлер кафедрасымен бірлесіп факультеттің 3-ші курс студенттеріне арналған Дипломшылар күнін өткізді. Шара аясында «Дипломдық жұмысты жазудағы оқу-әдістемелік және ғылыми әдебиеттерді пайдалану» (доценттер Омашева А.В. мен Жұмағалиева Т.С.), «Жазба жұмыстарды дайындаудағы ақпараттық ресурстардың көмегі» (кітапхана маманы Макачева Ә.), «Дипломдық жұмысқа әдебиеттерді таңдау және әдебиеттер тізімін рәсімдеу» (аға кітапханашы Әбдірейімова А.Қ.) атты баяндамалар дайындалып.

   14-ші наурызда ғылыми кітапхана тарих және биология-география факультеттерінде Дипломшылар күнін өткізді. Шараны өткізуге кітапхана қызметкерлері – Шафеева О., Қайырқұл К., Макачева Ә. мен Әдірейімова А., сонымен қатар доценттер Әуелбекова А.Қ., Жакин М.С., археология, этнология және Отан тарихы кафедрасының меңгерушісі Өскембаев Қ.С., тарих факультеті деканының орынбасары Бөдеев Қ.Т. атсалысып баяндама жасады. Әдебиеттерге шолу жасалып, иллюстрациялық кітап көрмесі ұйымдастырылып, кеңестер берілді.

    2017 жылдың 27 наурызында филология факультетінің оқу кітапханасында қазақ және орыс  топтарының «Журналистика», « Қазақ тілінде оқытпайтын мектептердегі қазақ тілі мен әдебиеті», «Қоғаммен байланыс», «Қазақ тілі мен әдебиеті», «Орыс тілі мен әдебиеті» мамандықтарының 3 курс студенттеріне арналған Дипломшылар күні өткізілді.

       2017 жылдың 3-10 сәуір аралығында«Euromonitor International» Британдық зерттеу компаниясының  «Passport» статистикалық деректерінің электрондық ресурстарына тестілік қатынауға мүмкіндік бар.